Qazaqstandyq voleıbolshylar Azııa oıyndarynyń shırek fınalyna shyqty
ASTANA. KAZINFORM — Qazaqstan áıelder quramasy voleıboldan Aıchı jáne Nagoıadaǵy (Japonııa) 2026 jylǵy Azııa oıyndarynyń shırek fınalyna joldama aldy.
Búgin, 18 qyrkúıekte, qazaqstandyq voleıbolshylar toptyq kezeńdegi sońǵy kezdesýin Qytaı quramasyna qarsy ótkizdi.
Oıyn 3:0 esebimen (25:18, 25:6, 25:14) Qytaı quramasynyń paıdasyna aıaqtaldy.
Aıta keteıik, bul kezdesýdiń nátıjesine qaramastan, Qazaqstan quramasy kelesi kezeńge shyǵý múmkindigin buǵan deıin qamtamasyz etken bolatyn.
Buǵan deıin Qazaqstan Fılıppın quramasyn 3:1 esebimen jeńgen edi. Al Fılıppın komandasy Qytaıdan jeńilip, V tobyndaǵy úzdik eki quramanyń qataryna ený múmkindiginen aıyryldy.
Osylaısha, Qazaqstan men Qytaı Azııa oıyndarynda shırek fınalda óner kórsetýdi jalǵastyrady.
Qazaqstan quramasynyń shırek fınaldaǵy qarsylasy toptyq kezeńniń qorytyndysy boıynsha anyqtalady.
Eske salaıyq, munyń aldynda Qazaqstandyq eki sportshy qazirgi bessaıystan jazǵy Azıadanyń fınalyna shyqqanyn habarlaǵan edik.
