Qazaqstandyq velotrekshi Parıj Olımpıadasyn aıaqtady

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda búgin el namysyn qorǵaǵan qazaqstandyq velotrekshi Andreı Chýgaı jarysty júldesiz aıaqtady. 

Ol sprınt baǵdarlamasynda synǵa túsip, 30 sportshy arasynan márege 30-shy bolyp keldi. Ol belgilengen qashyqtyqty 10,047 sekýndta basyp ótti.

Aıta keteıik, búgin grek-rım kúresinen 87 keli salmaqta baq synaǵan qazaqstandyq balýan Nursultan Tursynov shırek fınalda ýkraınalyq Jan Belenıýkpen beldesip, 3:7 esebimen utylyp qaldy.

Sonymen qatar, keshe 77 kelide el namysyn qorǵaǵan Demeý Jadyraev Parıj Olımpıadasynyń jartylaı fınalynda Ázerbaıjan ókili Sanan Sýleımanovty aıqyn basymdyqpen utyp, Olımpıada oıyndarynyń fınalyna shyqqan edi.

Búgin qazaqstandyq sportshylar sporttyń bes túrinen synǵa túsýde. Naqtyraq aıtsaq, baıdarka men kanoede esý, grek-rım kúresi, boks, taekvondo jáne trektegi velosporttan sportshylarymyz el namysyn qorǵaýda.

Qazir Qazaqstan qorjynynda Parıj Olımpıadasynyń 1 altyn, 1 kúmis, 3 qola medali bar.