Qazaqstandyq vaterpolshylar Azııa jaǵajaı oıyndarynyń qola júldesin ıelendi
ASTANA. KAZINFORM — Sý dobynan Qazaqstan erler quramasy Qytaıdyń Sanıa qalasynda ótip jatqan VI Azııa jaǵajaı oıyndarynyń qola júldegeri atandy.
Týrnırdegi sońǵy matchynda qazaqstandyqtar Ońtústik Koreıa quramasymen kezdesip, 3:0 (4:2, 2:1, 3:2) esebimen jeńiske jetip, qola medaldi ıelendi.
Jarys aınalym júıesi boıynsha ótti. Bes kezdesýde Qazaqstan quramasy úsh ret jeńiske jetip, eki ret qarsylastaryna jol berdi.
Bul synda el namysyn Temirlan Balfanbaev, Sultan Shonjigitov, Murat Shákenov, Edýard Tsoı, Rýslan Ahmetov, Aleksandr Eremın jáne Aldııar Ákimbaı qorǵady.
Osylaısha, Qazaqstan quramasynyń qorjynynda jeti medal bar. Bir altyn, bir kúmis jáne bes qola júlde.
Aıta ketelik quzǵa órmeleýden Qazaqstan quramasy pleı-off kezeńine shyqqan edi.
