Qazaqstandyq úshinshi boksshy IBA aıasyndaǵy álem chempıonatynda jeńiske jetti

ASTANA. KAZINFORM - Halyqaralyq boks assotsıatsııasy (IBA) aıasynda Birikken Arab Ámirliginiń Dýbaı qalasynda ótip jatqan álem chempıonatynda el quramasynan Erasyl Jaqpekov (80 keli) 5 jeltoqsanda alǵashqy jekpe-jegin sátti ótkizdi.

Qazaqstandyq bylǵary qolǵap sheberi Býrkıno-Faso ókili Zýgrana Ebenezermen sharshy alańǵa shyqty. Jekpe-jek barysynda ol senimdi oıyn kórsetti. Ol qarsylasyn úsh márte nokdaýnǵa jiberdi. Úshinshi raýndta jekpe-jek erte aıaqtaldy. Erasyl jarysty jalǵastyrýǵa múmkindik aldy.

Aıta ketsek, búgin el quramasynan Sanatáli Tóltaev (67 keli) zambııalyq Jerald Kabındany qapy qaldyryp, jarysty jalǵastyrýǵa múmkindik aldy.

Dáýlet Tólemisov (86 kel) brazılııalyq Sıýza Ramon Botagellomen sharshy alańǵa shyǵady.

Al 4 jeltoqsanda lǵashqy jekpe-jeginde otandasymyz Nýrmagamed ıÝsýpov (92 keli) tájikstandyq Navrýz Djafoevti birinshi raýndta nokaýtqa jiberip, jarystyń kelesi satysyna shyqty. 

Sondaı-aq aldaǵy kúnderde el quramasynan Temirtas Júsipov (48 keli), Danııal Sábıt (51 keli), Sáken Bıbosynov (54 keli), Orazbek Asylqulov (57 keli), Ertýǵan Zeınýllınov (63,5 keli), Abylaıhan Júsipov (71 keli), Sabyrjan Aqqalyqov (75 keli), Nurlan Saparbaı (92 keliden joǵary) sharshy alańǵa shyǵady.

IBA týrnıri 3-13 jeltoqsan aralyǵynda Dýbaıda uıymdastyrylady. Bul básekede 13 salmaq dárejesi belgilengen, al júlde qory óte joǵary: chempıondar – 300 myń dollar, kúmis júldegerler – 150 myń dollar, qola júldegerler – 75 myń dollar, al shırek fınalıster 10 myń dollar alady.