Qazaqstandyq úsh jup jaǵajaı voleıbolynan Azııa chempıonatynyń 1/8 fınalyna shyqty
ASTANA. KAZINFORM — Qytaıdyń Shanlo qalasynda jaǵajaı voleıbolynan Azııa chempıonatynyń toptyq kezeńi aıaqtaldy.
Erler arasynda Dmıtrıı ıAkovlev pen Abdýlmajıd Mohammad toptyq kezeńniń qorytyndysy boıynsha birden 1/8 fınalǵa joldama aldy. Bul kezeńde qazaqstandyqtar Tomas Hodjes pen Zakerı Hýd bastaǵan aýstralııalyq juppen kezdesedi.
Sergeı Bogatý men Kırıll Gýrın jarysty qosymsha kezeńnen bastady. Qazaqstandyq jup Qatar ókilderi Mýsa Alkıra men Mýhamed Ihabty 2:0 (21:16, 21:15) esebimen jeńip, 1/8 fınalǵa shyqty.
Bogatý men Gýrınniń kelesi qarsylastary Qatar ókilderi Sherıf ıÝnýs pen Ahmed Tıdjan bolady.
Áıelder arasynda qosymsha kezeńde Qazaqstannyń eki juby ózara kezdesti. Laýra Qabylbekova men Mereı Qojahmet Krıstına Karımova men Ekaterına Rıýhovany 2:0 (21:18, 21:15) esebimen jeńdi.
1/8 fınalda Qabylbekova men Qojahmet qytaılyq ıAn Sıýı/Sıa Sını jubymen oınaıdy.
Aıta keteıik, 1/8 fınal oıyndary 4 qyrkúıekte ótedi.
Eske salaıyq, buǵan deıin Qazaqstannyń birinshi, álemniń 2-raketkasy Elena Rybakına AQSh ashyq chempıonatynyń úshinshi aınalymyna shyqqanyn jazǵanbyz.
