Qazaqstandyq úsh jas tennısshi Aýstralııa ashyq chempıonatynda baq synaıdy
ASTANA. KAZINFORM - Melbýrn qalasynda 24 qańtar - 1 aqpan aralyǵynda jasóspirimder arasynda ótetin Aýstralııa ashyq chempıonatyna qatysýshylar tizimi jarııalandy.
Qazaqstannan negizgi jarysta úsh jas tennısshi baq synaıdy.
Jasóspirimder arasynda ITF reıtıngisinde 24-orynda turǵan Zańǵar Nurlanuly Aýstralııa chempıonatynda 10-raketka bolyp tirkelgen. Sondaı-aq jasóspirimder arasynda álemniń 60-raketkasy Damır Jalǵasbaı jáne reıtıngide 94-satydaǵy Danıel Tazabekov óner kórsetedi.
Zańǵar, Damır jáne Danıel ótken jyly komandalyq álem chempıonaty - jasóspirimder arasynda Devıs kýboginiń fınaldyq kezeńinde el namysyn qorǵaǵan edi. Onda álemniń tórt dúrkin chempıony Frantsııany jeńip, 5-orynǵa taban tiregen bolatyn.
Eske sala keteıik, budan buryn qazaqstandyq tennısshilerdiń Túrkııadaǵy týrnırdiń shırek fınalyna shyqqanyn jazǵan edik.