Qazaqstandyq úsh tennısshi Shanhaı masters týrnırine joldama aldy

Qazaqstandyqtar Beıbit Juqaev, Mıhaıl Kýkýshkın jáne Denıs Evseev Shanhaı masters týrnırine joldama aldy, dep habarlaıdy QazAqparat tilshisi.

Qazaqstandyq tennısshilerdiń úsheýi de irikteý saıystarynyń fınaldyq kezdesýlerin sátti ótkizdi.

Dúnıejúzilik reıtıngte 302-orynda turǵan 22 jastaǵy Beıbit Juqaev álemniń 293-raketkasy, chehııalyq Domınık Palandy 2 saǵat 1 mınýtqa sozylǵan tartysty básekede 7:6 (8:6), 3:6, 6:3 esebimen utty.

Sondaı-aq reıtıngte 258-satydaǵy Denıs Evseev álemniń 188-raketkasy, taıbeılik Vý Týn-Lıden aılasyn asyrdy – 6:4, 4:6, 6:3. Bul jekpe-jek 2 saǵat 11 mınýtqa sozyldy.

Álemniń 246-raketkasy Mıhaıl Kýkýshkın 300-orynda turǵan aýstralııalyq Lıýk Sevıldi 6:3, 6:3 esebimen joldan taıdyrdy.

Qazaqstandyq tennısshilerdiń Shanhaı masters dodasyndaǵy alǵashqy qarsylastary keıin anyqtalady.

Eske sala keteıik, budan buryn Elena Rybakınanyń Beıjińde Azıada chempıonyn oısyrata utqanyn jazǵan bolatynbyz.

Sondaı-aq qazaqstandyq tennısshiler Shanhaı masters týrnıriniń irikteý saıysyn sátti bastady.

Astana Open ATP 250 týrnıriniń fınalyna shyqqan tennısshiler belgili boldy.

ıÝlııa Pýtıntseva Beıjińde álemniń 10-raketkasyna jol berdi.