Qazaqstandyq úsh karateshi álemdik reıtıngide kósh bastady
ASTANA. KAZINFORM — Karateden WKF nusqasy boıynsha áıelder arasyndaǵy álemdik reıtıng jańartylyp, úzdikter qatary qaıta aıqyndaldy.
Qazaqstan karate federatsııasynan málim etkenindeı, bul tizimde birden úsh qazaqstandyq sportshy óz salmaq dárejesinde álemdik reıtıngtiń kóshin bastap tur.
Atap aıtqanda, Móldir Jańbyrbaı (50 kg), Ásel Qanaı (61 kg) jáne Sofıa Berýltseva (+68 kg) úzdik nátıje kórsetti.
Móldir Jańbyrbaı júktiligine baılanysty bir jylǵa jýyq ýaqyt boıy jarystarǵa qatyspasa da, upaı sany boıynsha birinshi orynda tur.
Ásel Qanaı bıylǵy Premer-lıga týrnırlerinen turaqty túrde júlde alyp keledi.
Al Tokıo Olımpıadasynyń qola júldegeri Sofıa Berýltseva qatarynan úsh Premer-lıga dodasynda top jaryp, Grand Winner ataǵyn alýǵa bir qadam jaqyndady.
Eske sala keteıik, budan buryn karateden Qazaqstan quramasy Premer-lıga týrnırin tórt medalmen qorytyndylaǵanyn jazǵan bolatynbyz.
