Qazaqstandyq úsh boksshy Strandja týrnırinde chempıon atandy

ASTANA. KAZINFORM — Bolgarııa astanasy Sofııa qalasynda ótip jatqan halyqaralyq Strandja týrnırinde el quramasy qorjynyna úsh altyn tústi. 

23 aqpan-2 naýryz aralyǵynda bolyp jatqan týrnırge 36 elden 300-den astam boksshy keletini naqtylandy. Olardyń arasynda Bolgarııadan bólek Qazaqstan, Ózbekstan, AQSh, Kýba, Ázerbaıjan, Brazılııa, Ýkraına, Mońǵolııa, Anglııa, Túrkimenstan, Qytaı Taıpeıi jáne
Jastar arasynda álem chempıony Elına Bazarova (54 keli) fınalda anglııalyq Loren Makkıdi 5:0 esebimen tize búktirip, halyqaralyq týrnırdiń chempıony atandy.

Otandasymyz týrnır barysynda budan buryn 1/8 fınal. aýstrııalyq Monık Sýrachıdi 4:1, ¼ fınalda túrkııalyq Aıshen Tashkyn 5:0, ½ fınalda taǵy bir otandasymyz Anel Saqyshty 3:2 esebimen qapy qaldyrdy. 

Qazaqstandyq taǵy bir bylǵary qolǵap sheberi Nadejda Rıabets (80 keli) aqtyq synda Túrkııa ókili ıAren Dýztaspen kúsh synasty. Úsh raýndta da otandasymyz aıqyn basymdyǵyn tanytyp, tóreshilerdiń biraýyz sheshimimen jeńiske jetti.

El quramasy qorjynyna taǵy bir altyn medal 80 keliden joǵary salmaqta tústi. Bul salmaqta ózin jaqsy kórsete bilgen Valerııa Aksenova fınalda Ózbekstannyń sportshysy Oltınoı Sotımboevany 5:0 esebimen jeńip ketti.

Taǵy bir otandasymyz Laýra Esenkeldi (65 keli) fınalda álem chempıonatynyń 3 márte júldegeri Navbahor Hamıdovaǵa 0:5 esebimen ese jiberdi.

Endi erler quramasynan Danııal Sábıt (50 keli) ázerbaıjandyq Bılalhabashı Nazarov, Farýh Toktasynov (70 keli) AQSh ókili Lavant Broýnlımen qolǵap túıistiredi.