Qazaqstandyq úsh boksshy Futures Cup týrnırin jeńispen bastady

ASTANA. KAZINFORM - Taıland astanasy Bangkok qalasynda ótip jatqan jastar arasyndaǵy Futures Cup halyqaralyq týrnırinde qazaqstandyq úsh boksshy jarysty jalǵastyrýǵa múmkindik aldy. 

Halyqaralyq týrnır 8-15 naýryz aralyǵynda ótedi. Onda uldar men qyzdar sharshy alańǵa shyǵady.

Aldymen kúndizgi sessııada 54 kelide 1/16 fınalda qyzdar arasynda Maral Tólepbergen shotlandııalyq 󠁧󠁢󠁳󠁣󠁴󠁿Rozıe Sveılısten 5:0 esebimen basym tústi.

Al keshki sessııada 1/32 fınal Dosjan Jumaqan (60 keli) kenııalyq Felıks Ochıeng Onıangony 1-raýndta aıqyn basymdyqpen jeńse, 70 kelide Bıbarys Áshirbaı tájikstandyq Mýhammad Mamadalıev qapy qaldyrdy. 

Endi 9 naýryzda Aqnur Tursynǵalı (57 keli), Edige Nurqoja (55 keli), Dosjan Jumaqan (60 keli), Danııal Shalqarbaı (65 keli) sharshy alańǵa shyǵady.

Eske salsaq, budan buryn bokstan jastar arasyndaǵy Futures Cup týrnırine qatysatyn qazaqstandyqtar belgili boldy.