Qazaqstandyq úsh boksshy álem kýbogynda jarysty jalǵastyrady
ASTANA. KAZINFORM - World Boxing federatsııasynyń uıymdastyrýymen ótip jatqan álem kýbogynda qazaqstandyq úsh boksshy jarysty jalǵastyrýǵa múmkindik aldy./
El quramasynan álem chempıonatynyń júldegeri Vıktorııa Grafeeva (60 keli) 1/8 fınalda Emılı Rzaevamen (Ázerbaıjan) jolyqty.
Bul jekpe-jekte sheberlik jaǵynan qos boksshynyń deńgeıi edáýir bilindi. Otandasymyz alǵashqy mınýttan tolyqtaı basymdyqqa ıe bolyp, nátıjesinde tóreshi 2-raýndtyń bel ortasynda aıqasty toqtatty. Vıktorııa qarsylasyn tehnıkalyq nokaýtpen jeńdi.
Al Danıal Sábıt (50 keli) 1/8 fınalda Majarstan ókili Ishtvan Shzakamen kezdesti.
Alǵashqy raýndta qarsylas jyldam ári dál soqqylarymen kózge túsip, tóreshilerdiń sheshimin ózine aýdarǵan edi. Áıtse de otandasymyz qalǵan ýaqytta qarqynyn arttyryp, 3:2 esebimen jeńisti julyp aldy.
Sondaı-aq el quramasynan Dıas Moljigitov aýstralııalyq Marlon Sevehondy 4:1 esebimen jeńip, shırek fınalǵa ótti
Al Álem chempıony Natalıa Bogdanova (70 kelide) 1/8 fınalda Olımpıada chempıony, joǵary salmaqqa aýysqan Býsenaz Sıýrmenelımen (Túrkııa) qolǵap túıistirdi.
Qos boksshy da damylsyz soqqylarymen alǵa umtylýmen boldy. Nátıjesinde sportshylar alma-kezek basymdyqqa ıe boldy. Al sheshýshi raýndta Býsenaz Sıýrmenelı qarsylasty kútip alý, aıaqpen sheber jumys isteý sekildi komponentterde basymdyq tanytyp, 4:0 esebimen jeńimpaz dep tanyldy.
Aıta ketsek, budan buryn el quramasynan Farýh Toqtasynov (70 keli) jarysty jalǵastyrýǵa múmkindik alsa, Nazym Qyzaıbaı (54 keli) jarys jolyn aıaqtady.
Bedeldi báseke Brazılııanyń Fos-dý-Igýasý qalasynda 20-26 sáýir aralyǵynda ótkizilip jatyr.
