Qazaqstandyq týrısterge eskertý: Vetnamda jańa onlaın tirkeý júıesi paıda boldy
ASTANA. KAZINFORM — Vetnamǵa barýshylar endi sapar derekterin aldyn ala onlaın usyna alady, dep habarlaıdy QR SІM baspasóz qyzmeti.
QR Syrtqy ister mınıstrligi Vetnam Sotsıalıstik Respýblıkasy shetel azamattarynyń elge kirý rásimderin jeńildetý maqsatynda «Aldyn ala aqparat usyný júıesin» (Pre-arrival Information — PAI) pılottyq rejımde iske qosqanyn habarlaıdy.
Vetnam tarapynyń málimetinshe, atalǵan júıe shetel azamattaryna Vetnamǵa sapar aldynda qajetti aqparatty onlaın rejımde aldyn ala usynýǵa múmkindik beredi.
— Bul óz kezeginde shekaralyq baqylaýdan ótý ýaqytyn qysqartýǵa jáne áýejaılardaǵy jolaýshylar aǵynyn ońtaılandyrýǵa baǵyttalǵan. PAI júıesi qazir Tanshonnıat halyqaralyq áýejaıynda pılottyq rejımde jumys isteıdi jáne aldaǵy ýaqytta Vetnamnyń Noıbaı, Danang, Kamran jáne Fýkýok halyqaralyq áýejaılarynda, sondaı-aq memlekettik shekaradaǵy basqa da ótkizý pýnktterinde kezeń-kezeńimen engizý josparlanǵan, — delingen habarlamada.
Mınıstrlik atap ótkendeı, bul rette, PAI júıesi Vetnamǵa kirý úshin mindetti talap sanalmaıtynyn jáne vıza rásimdeý fýnktsııasyn atqarmaıtynyn atap ótken jón.
— Júıe tek sapar týraly aqparatty aldyn ala usynýǵa arnalǵan. Vetnam bıligi shetel azamattaryna tirkelýdi tek resmı portal — prearrival.immigration.gov.vn arqyly júzege asyrýdy jáne jalǵan ınternet-resýrstardan saq bolýdy usynady, — dep túsindirdi vedomstvo.
Buǵan deıin Qazaqstan azamaty Vetnamda iz-túzsiz joǵalyp ketkenin jazǵanbyz.
