Qazaqstandyq trıatlonshy Eýropa kýbogy kezeńiniń jeńimpazy atandy
ASTANA. KAZINFORM – Qazaqstan quramasynyń sportshysy Dıana Erjanova Rýmynııanyń Izvoranı qalasynda ótip jatqan trıatlonnan jasóspirimder arasyndaǵy Eýropa kýbogy kezeńinde altyn medal jeńip aldy. Bul týraly Ulttyq olımpıadalyq komıtet habarlady.
Dıana Erjanova jarys qashyqtyǵyn 35 mınýt 41 sekýndta baǵyndyryp, márege birinshi bolyp jetti.
Kúmis júldeni Rýmynııa ókili Týnde Krıshan (35:48) ıelense, Italııa sportshysy Elıs Ventre (35:50) qola medalǵa qol jetkizdi.
Qazaqstan quramasynyń taǵy bir múshesi Alýa Nurmuhamet besinshi orynǵa (36:03), Kalerııa Shnaıder altynshy orynǵa (36:07), al Aıda Kım toǵyzynshy orynǵa (36:13) turaqtady.
Aıta keteıik, qazaqstandyq tennısshiler ekinshi ret qatarynan Astana týrnıriniń fınalyna deıin jetti.
