Qazaqstandyq tórt dzıýdoshy Azııa chempıonatynyń qola júldesi úshin kúresedi
ASTANA. KAZINFORM - Ordosta (QHR) ótip jatqan dzıýdodan Azııa chempıonatynda tórt qazaqstandyq sportshy qola medal úshin beldesýge shyǵady, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Jartylaı fınalǵa deıin jetken Nurlyhan Sharhan, ókinishke qaraı, fınalǵa bir qadam qalǵanda súrindi. Ol BAÁ ókili Djafar Kostoevqa ese jiberdi. Endi ol qola júlde úshin qytaılyq Fýchýn Hýangpen kúsh synasady.
Sonymen qatar jubanysh kezeńinde sátti óner kórsetken taǵy úsh otandasymyz da júlde jolynda baq synaıdy.
(-90 kg) Aıdar Arapov – Peng-ıÝ Chen (Qytaı Taıbeıi)
(-78 kg) Arýna Jangeldına – Van Sıýıhýeı (Qytaı Taıbeıi)
(+78 kg) Aıda Toıshybekova – Vıktorııa Kıseleva (Tájikstan)
Kezdesýler Astana ýaqytymen saǵat 13:00-de bastalady.
Osyǵan deıin Abylaıhan Jubanazar dzıýdodan Azııa chempıonatynda qola medal jeńip alǵan bolatyn.
