Qazaqstandyq tórt boksshy Strandja týrnırinde jarysty aıaqtady
ASTANA. KAZINFORM - Bolgarııa astanasy Sofııa qalasynda ótip jatqan halyqaralyq Strandja týrnıriniń tórtinshi jarys kúni, 26 aqpanda el quramasynan kúndizgi sessııada bes boksshy jarysty jalǵastyrýǵa múmkindik aldy.
23 aqpan-2 naýryz aralyǵynda ótetin týrnırge 36 elden 300-den astam boksshy keletini naqtylandy. Olardyń arasynda Bolgarııadan bólek Qazaqstan, Ózbekstan, AQSh, Kýba, Ázerbaıjan, Brazılııa, Ýkraına, Mońǵolııa, Anglııa, Túrikmenstan, Qytaı Taıpeıi jáne ózge memleketter bar.
Kúndizgi sessııada sharshy alańǵa shyqqan toǵyz boksshynyń beseýi jarystyń kelesi satysyna shyqty. Olardyń qatarynda Ánel Saqysh, Elına Bazarova, Farýh Toqtasynov, Muhammedsabyr Bazarbaıuly, Ertýǵan Zeınýllınov bar.
48 keli. Áıgerim Sáttibaeva - Hanna Ohota (Ýkraına) 0:5
48 keli. Ánel Qudaıbergen - Sabına Bobokýlova (Ózbekstan) 0:5
54 keli. Ánel Saqysh - Ana Lıvııa Vısente Lınhares (Brazılııa) 4:1
54 keli. Jaına Shekerbekova - Ioselın Perez (AQSh) 0:5
54 keli. Elına Bazarova - Aıshen Tashkyn (Túrkııa) 5:0
70 keli. Farýh Toqtasynov - Baıramdýrdy Nurmuhammedov (Túrikmenstan) 5:0
65 keli. Ilıa Kalının -ıÝrı Falkao Reıs (Brazılııa) 0:5
70 keli. Muhammedsabyr Bazarbaıuly -Djon Makkonell (Irlandııa) 5:0
65 keli. Ertýǵan Zeınýllınov - Markýs Lýzer (AQSh) 4:1.
Endi keshki sessııada on otandasymyz sharshy alańǵa shyǵady.
Aıta ketsek, Qazaqstan Bolgarııa astanasy 39 boksshyny attandyrdy. Bıyl «Strandja kýbogy» 77 márte ótkizilip jatyr. Bul týrnır Eýropa qurlyǵyndaǵy tarıhı tereń sporttyq jarys sanalady.
