Qazaqstandyq tóreshiler kúres túrlerinen álem chempıonatynda qyzmet atqarady
ASTANA. KAZINFORM - Qazaqstandyq tóreshiler 2025 jylǵy kúres túrleri boıynsha álem chempıonatynda qyzmet atqarady.
Birikken kúres álemi (UWW) 2025 jyly Horvatııanyń Zagreb qalasynda ótetin álem chempıonatyna tóreshilerdi taǵaıyndady. Dúbirli doda 13-21 qyrkúıek aralyǵynda ótedi.
Uıym jarııalaǵan tizimge elimizdiń atynan eki tóreshi endi. Aldaǵy álem birinshiliginde beldesýlerdi Igor Lıgaı men Erik Jumabekov júrgizedi.
Aıta keteıik, ótken jyly qazaqstandyq mamandar Parıjde ótken Olımpıada oıyndaryna tóreshi retinde shaqyrylǵan edi.
Al 17 jasqa deıingi jasóspirimder arasyndaǵy álem chempıonaty Grekııanyń Afıny qalasynda 8 shilde - 3 tamyz aralyǵynda bolsa, 20 jasqa deıingi jastar arasyndaǵy dúbirli dodany Bolgarııanyń Sofııa qalasy qabyldaıdy.
Al jasóspirimder arasyndaǵy álem birinshiligi 20-26 qazanda Serbııanyń Novı-Sad qalasynda jalaýyn kóteredi.