Qazaqstandyq tóreshiler alǵash ret WTA 250 týrnırleriniń fınalynda qazylyq etti
ASTANA. KAZINFORM – Merýert Kaýkeeva men ıÝlııa Ignatchenko qazaqstandyq tennıs tóreshilerinen alǵash ret WTA 250 týrnırleriniń fınalynda minbede qazylyq etti.
ıÝ.Ignatchenko Gonkongta WTA 250 jarysynyń sońǵy básekesinde Dıana Shnaıder men Ketı Býlter oıynynda tóreshi boldy.
Al M.Kaýkeeva Tszıýtszıandaǵy (Qytaıda) dál osyndaı dodanyń fınalynda Vıktorııa Golýbıch pen Rebekka Shramkovanyń matchyna qazylyq jasady.
Qazaqstan tennıs federatsııasy 2009 jyldan beri tóreshiler mektebin damytýǵa kúsh salyp keledi. Osy kezeńde halyqaralyq dárejedegi tóreshiler sanatyna ilikken ıÝlııa Ignatchetko 2022 jyly, Merýert Kaýkeeva bir jyldan keıin kúmis belgini (silver badge) aldy. Al Vladlena Samenkova bıylǵy aqpanda qola belgige (bronze badge) qol jetkizdi.
ıÝ.Ignatchenko tóreshilik mansabyn 2008 jyly, M.Kaýkeeva 2015 jyly bastady. ıÝlııa «Úlken dýlyǵa» týrnırlerinde 2015, Merýert 2016 jyldan beri qazylyq etýde. Olar sondaı-aq Tokıo jáne Parıj Olımpıadalarynda da qyzmet etti.
Eske sala keteıik, budan buryn qazaqstandyq jas tennısshiniń álemdik reıtıngide 58 saty joǵary kóterilgenin jazǵan edik.
