Qazaqstandyq tóreshi voleıboldan álem chempıonatynda qazylyq etedi
ASTANA. KAZINFORM — Halyqaralyq voleıbol federatsııasy (FIVB) erler komandalary arasyndaǵy 2026 jylǵy klýbtar álem chempıonatynyń tóreshiler quramyn bekitti.
Eń bedeldi klýbtyq týrnırdiń matchtaryna qazylyq etý senip tapsyrylǵan álem úzdikteriniń qataryna Qazaqstan ókili, halyqaralyq tóreshi ıÝlııa Akýlova endi.
Qazaqstan voleıbol federatsııasynan málim etkenindeı, álem chempıonaty 2026 jylǵy 15-20 jeltoqsan aralyǵynda Polshanyń Sılezııa voevodstvosyndaǵy úsh qalada — Sosnovetste, Katovıtsede jáne Chenstohovada ótedi.
Basty júlde úshin tórt qurlyqtyń eń myqty segiz klýby baq synasady. Olardyń qatarynda — álemniń qazirgi chempıony ári EKV Chempıondar lıgasynyń jeńimpazy ıtalıandyq «Perýdja», týrnır ıesi — «Alýron Varta Zavertse» , túriktiń «Zıraat Bankkart» klýby, brazılııalyq «Sada Krýzeıro» men «Voleı Renata», ırandyq «Fýlad Sırdjan», ındonezııalyq «Djakarta Bhaıangkara Presısı» jáne mysyrlyq «Ál-Ahlı» bar.
Bul taǵaıyndaý ıÝlııa Akýlovanyń joǵary kásibıligi men bıylǵy maýsymda álemdik arenada qalyptasqan bedeliniń taǵy bir dáleli boldy. 2026 jylǵy shildede AVC Gala saltanatty rásiminde ol resmı túrde «Azııadaǵy jyldyń úzdik voleıbol tóreshisi» dep tanylǵan edi.
2026 jylǵy tamyzda ıÝlııa Akýlova erler arasyndaǵy Voleıbol ulttar lıgasynyń (VNL 2026) Polsha men AQSh quramalary arasyndaǵy fınaldyq matchynda ekinshi tóreshi bolyp jumys istedi.
Eske sala keteıik, budan buryn voleıboldan qazaqstandyq tóreshi Azııada úzdik shyqqanyn jazǵan edik.