Qazaqstandyq tóreshi Parıj Olımpıadasynda qazylyq etedi

Kórkem gımnastıkadan halyqaralyq dárejedegi tóreshi Alýa Bekturova Parıjde ótetin XXXIII jazǵy Olımpıada oıyndaryna shaqyrtý aldy, dep habarlaıdy Kazinform.

QR Ulttyq olımpıadalyq komıtetiniń baspasóz qyzmeti málim etkendeı, Halyqaralyq kórkem gımnastıka federatsııasy 2024 jylǵy Parıj Olımpıadasynda tórelik etetin qazylar tizimin jarııalady. Olardyń qatarynda qazaqstandyq Alýa Bekturova da bar. 

Aıta keteıik, Alýa buǵan deıin Ispanııada ótken álem birinshiliginde tórelik etken bolatyn. Halyqaralyq federatsııa onyń jumysyn joǵary baǵalap, tehnıkalyq komıtet arnaıy alǵys hatpen marapattaǵan. 

Esterińizge sala keteıik, XXXIII jazǵy Olımpıada oıyndary 2024 jyly Parıjde 26 shilde men 11 tamyz aralyǵynda ótedi. Jazǵy oıyndar buǵan deıin Frantsııada eki márte uıymdastyrylǵan bolatyn. Álemdik dárejedegi sport saıysynyń jalaýy Parıjde 1900 jáne 1920 jyly jelbiregen edi.