Qazaqstandyq tóreshi maýsym sońyna deıin fýtboldan shettetildi
ASTANA. KAZINFORM – 17 maýsym kúni QFF-nyń Tóreshilik-saraptamalyq komıssııasy men Tóreshiler komıtetiniń onlaın jıyny ótti.
QFF baspasóz qyzmetiniń málimetinshe, tóreshilik-saraptamalyq komıssııa QFL Premer-lıgasynyń 2024 jylǵy maýsymynyń 11-týryndaǵy «Astana» men «Ordabasy» komandalary arasynda tirkelgen daýly epızodty talqylady.Sondaı-aq atalǵan komıssııa beınematerıaldarǵa súıene otyryp, biraýyzdan kelesi sheshimdi qabyldady:
– Tóreshi Artem Kýchınniń matchtyń 34-mınýtynda qarsylasyn arqasynan ıterip jibergeni úshin «Ordabasy» komandasynyń qaqpasyna penaltı belgilemeý týraly sheshimi qate dep tanylsyn.
Tóreshiler komıtetiniń otyrysynda bir maýsymda bir komandaǵa qarsy jiberilgen eki sheshýshi qatelikten keıin Premer-lıganyń tóreshisi Artem Kýchındi (Qaraǵandy) jyldyń sońyna deıin QFF ótkizetin barlyq deńgeıdegi matchtan shettetý týraly sheshim qabyldandy.
