Qazaqstandyq tóreshi HTF arnaıy syılyǵyna ıe boldy
Qazaqstandyq tóreshi Merýert Káýkeeva Halyqaralyq tennıs federatsııasynan (ITF) arnaıy syılyqqa ıe boldy, dep habarlaıdy Kazinform.
Qazaqstan tennıs federatsııasynan málim etkenindeı, M.Káýkeeva Ispanııanyń Sevılıa qalasynda ótken Bıllı Djın Kıng kýboginiń fınaldyq kezeńinde minbedegi referı retinde qyzmet etti.
Uıymdastyrýshylar qazaqstandyq qazyǵa arnaıy eskertkish medal tabys etti.
Osylaısha, komandalyq álem chempıonatyna tek qazaqstandyq oıynshylar ǵana qatysyp qoıǵan joq. Tóreshi de boldy.
Qazaqstanda tóreshilikti damytý baǵdarlamasy eki baǵyt boıynsha júrgizilip keledi. Birinshisi – jańa kadrlardy tartý jolymen ulttyq sanattaǵy qazylardy tárbıeleý, oqytý. Ekinshisi – halyqaralyq deńgeıdegi referılerdi daıyndap shyǵarý. Sońǵy jyldary Silver badge jáne Bronze badge sanatyndaǵy halyqaralyq tóreshiler sapynda ıÝlııa Ignatchenko men Merýert Káýkeeva bekidi. 2020 jyly ıÝlııa men Merýert WTA-nyń eń talantty qazy áıelder komandasy quramyna kirdi.
Eske sala keteıik, budan buryn Qazaqstan jasóspirimder quramasynyń álem chempıonatynda úzdik ondyqqa kirgenin jazǵan edik.
