Qazaqstandyq tóreshi Eýropa chempıonatynda qyzmet atqarady

ASTANA. KAZINFORM - Qazaqstandyq tóreshi jastar arasyndaǵy Eýropa chempıonatynda qyzmet atqarady.

Ol 12-29 maýsym aralyǵynda Slovakııada ótetin 21 jasqa deıingi jastar arasyndaǵy Eýropa chempıonatynyń (UEFA U21) fınaldyq kezeńinde jumys isteıdi.

Qazaqstan fýtbol federatsııasynyń habarlaýynsha, atalǵan sheshim otandyq fýtbol úshin mańyzdy oqıǵa retinde baǵalanyp otyr. Kóp jyldyq úzilisten keıin qazaqstandyq tóreshi alǵash ret ÝEFA aıasyndaǵy iri halyqaralyq týrnırdiń sheshýshi kezeńine shaqyrtý aldy. Bolat Sarıev qurlyqtyq dodada tórtinshi tóreshi qyzmetin atqarady. Bul oǵan halyqaralyq deńgeıde mol tájirıbe jınaýǵa múmkindik beredi.

Onyń alǵashqy matchy 12 maýsymda Fınlıandııa men Nıderland quramalary arasynda ótedi. Bastalýy - Qazaqstan ýaqytymen saǵat 00:00-de.

Eske salsaq, budan buryn fýtboldan Qazaqstan 21 jasqa deıingi jastar quramasy 2027 jylǵy Eýropa chempıonaty irikteý kezeńinde búgin Andorraǵa qarsy oıyn ótkizdi.

Bul kezdesýde olar qarsylasynan 1:0 esebimen basym tústi.