Qazaqstandyq teplovoz arbalaryn Jańa Gvıneıa halqy paıdalanady

ASTANA. KAZINFORM — Qazaqstan Úndistanǵa 269 teplovoz arbasyn jasap bermek. Bul týraly elordadaǵy lokomotıv qurastyratyn zaýyttyń qyzmetkeri Kazinform tilshisine bergen suhbatynda málim etti.

— Qazir 45 danasyn eksporttap qoıdyq. Qazaqstannyń ónimi aldymen Úndistanǵa barady. Úndistanda teplovoz tolyqtaı qurastyrylyp, Jańa Gvıneıa eline satylady. Demek, Jańa Gvıneıa eliniń temir jolyn, ekonomıkasyn kóterýge Qazaqstannyń yqpaly bar degen sóz. Al arba — teplovozdaǵy eń basty bólshekterdiń biri, - deıdi marketıng jáne satý bóliminiń basshysy Raýan Dóńsebaev.

Qazaqstandyq mamandar daıyndap jatqan arba - temirjol mashınasynyń eń mańyzdy bólshegi. Mundaǵy jumysshylar, budan bólek teplovozǵa qajetti birtalaı jabdyqtardy ózderi jasap shyǵarady. Osylaısha zaýyt basshylyǵy kásiporyndy Eýrazııadaǵy mańyzdy óndiris ortalyǵyna aınaldyrýdy josparlap otyr. 

Aıta keteıik, «Qazaqstan Temirjoly» ulttyq kompanııasy ótken ǵasyrdyń 70-80 jyldarynda shyǵarylǵan lokomotıv parkiniń eski serııalaryn joıýdy josparlap otyr.