Qazaqstandyq tennısshilerdiń Monte-Karlo masters týrnırindegi qarsylastary anyqtaldy
ASTANA. KAZINFORM – Qazaqstandyq tennısshiler Aleksandr Býblık pen Aleksandr Shevchenkonyń Monte-Karlo ATP 1000 týrnırinde kimdermen oınaıtyny belgili boldy.
Álemniń 11-inshi, osy jarystyń 8-raketkasy A.Býblık ekinshi aınalymda ATP reıtıngisinde 203-orynda turǵan, kezinde 6-satyǵa deıin kóterilgen frantsııalyq, 39 jastaǵy Gael Monfıspen kezdesedi.
G.Monfıs alǵashqy aınalymda kambek jasap, álemniń 30-raketkasy, nıderlandylyq Tallon Grıkspordy joldan taıdyrdy – 6:7 (7:9), 6:1, 6:4.
Іrikteý saıystarynan keıin negizgi jarysqa joldama alǵan reıtıngide 76-oryndaǵy Aleksandr Shevchenko birinshi aınalymda álemniń 54-raketkasy, 2014 jylǵy AQSh chempıony, 37-jastaǵy horvatııalyq Marın Chılıchten ótýge tyrysyp kóredi.
Ótken jyly Monte-Karlo dodasyna A.Býblık te, A.Shevchenko da qatyspaǵan bolatyn. Sondyqtan bıyl sátti óner kórsetse, reıtıngilik upaı jınaı alady.
Eske sala keteıik, budan buryn Aleksandr Shevchenkonyń Monte-Karlo masters týrnırine joldama alǵanyn jazǵan bolatynbyz.
