Qazaqstandyq tennısshilerdiń Dýbaı ATP 500 týrnırindegi qarsylastary anyqtaldy

ASTANA. KAZINFORM – Qazaqstandyq tennısshiler Aleksandr Býblık pen Aleksandr Shevchenkonyń Dýbaı ATP 500 týrnırinde kimdermen oınaıtyny belgili boldy.

Álemniń 10, jarystyń 2-raketkasy A. Býblık bastapqy kezdesýinde irikteý saıysy jeńimpazdarynyń biri, reıtıngide 77-oryndaǵy germanııalyq ıAn-Lennard Shtrýfpen sheberlik baıqasady.

Qazaqstandyq tennısshi germanııalyq sportshyny ótken aıda Rotterdam (Nıderland) ATP 500 jarysynyń ekinshi aınalymynda 7:6 (7:2), 4:6, 6:3 esebimen jeńgen edi. 

Taǵy bir qazaqstandyq, reıtıngide 79-satyda turǵan A.Shevchenko irikteý saıysynyń fınalynda álemniń 72-raketkasy, frantsııalyq Kenten Galıǵa 6:7 (6:8), 5:7 esebimen jeńilip qalǵan bolatyn. Soǵan qaramastan, uıymdastyrýshylar A.Shevchenkony arnaıy shaqyrtýmen negizgi dodaǵa qosty. 

Qazaqstandyq tennısshi alǵashqy aınalymda álemniń 17-raketkasy, reseılik Karen Hachanovqa tap keldi. 

Dýbaı dodasy 28 aqpanda aıaqtalyp, jeńimpaz anyqtalady. 

Eske sala keteıik, budan buryn Aleksandr Shevchenkonyń Dýbaıdaǵy týrnırdiń irikteý saıysyn sátti bastaǵanyn jazǵan edik.

Sondaı-aq Ámir Omarhanov Týnıstegi týrnırde top jardy.