Qazaqstandyq tennısshilerdiń Almaty ATR 250 týrnırindegi qarsylastary anyqtaldy
ASTANA. KAZINFORM — Almatyda 19-25 qazanda ótetin ATR 250 týrnıriniń jerebesi tartyldy.
Álemdik reıtıngide 22-oryndaǵy, qazaqstandyq Aleksandr Býblık jarystyń 3-raketkasy bolyp tirkelgen. Birden ekinshi aınalymnan bastaıtyn A.Býblık álemniń 63-raketkasy, majarstandyq Fabıo Marojan nemese reıtıngide 210-satydaǵy taǵy bir qazaqstandyq Tımofeı Skatovtyń qaı jeńgenimen kezdesedi.
Týrnırge arnaıy shaqyrtý alǵan 18 jastaǵy Zańǵar Nurlanuly qıyndaý qarsylasqa tap boldy. Ol alǵashqy aınalymda álemniń 75-raketkasy, chehııalyq, 26 jastaǵy Tomash Mahachpen synǵa túsedi. Bul Zańǵardyń ATR 250 deńgeıindegi alǵashqy dodasy bolmaq.
Almatydaǵy jarystan keıin sporttyq mansabyna núkte qoıatyn Mıhaıl Kýkýshkın irikteý saıysy jeńimpazdarynyń birimen oınaıdy.
Ótken jyly munda reseılik Danııl Medvedev úzdik shyqqan edi. Bıyl ol týrnırdiń 1-raketkasy retinde chempıondyq ataǵyn qorǵaıdy.
Qazirgi kezde Almatyda irikteý saıystary ótip jatyr.
Reıtıngide 618-oryndaǵy, 18 jastaǵy Ámir Omarhanov irikteýdiń jartylaı fınalynda álemniń 137-raketkasy, japonııalyq Reı Sakamotoǵa ese jiberdi — 2:6, 1:6. Sondaı-aq reıtıngide 503-oryndaǵy Beıbit Juqaev álemniń 98-raketkasy, aýstralııalyq Adam Ýoltonǵa jol berdi — 1:6, 5:7.
Eske sala keteıik, budan buryn Elena Rybakınanyń ózi chempıon atanǵan týrnırde óner kórsetetinin jazǵan edik.
Sondaı-aq Zańǵar Nurlanulyń alǵash ret Almatydaǵy ATP týrnırinde baq synaıtyny habarlandy.
ıÝlııa Pýtıntseva Qytaıdaǵy týrnırdi sátti bastady.
