Qazaqstandyq tennısshilerdiń álemdik reıtıngidegi orny anyqtaldy

ASTANA. KAZINFORM — Áıelder tennısi qaýymdastyǵy (WTA) jańartylǵan reıtıngini jarııa etti.

Qazaqstannyń birinshi raketkasy Elena Rybakına 10-ornyn ázirge saqtap qaldy. 

Ótken aptada Aýstralııanyń Brısben qalasynda Bıllı Djın Kıng kýbogynyń irikteý týrnırinde Qazaqstan quramasy sapynda óner kórsetken E.Rybakına 14-19 sáýir aralyǵynda ótetin Shtýtgart (Germanııa) WTA 500 jarysyna qatysa almaıdy. 2024 jyly qazaqstandyq tennısshi osynda jeńimpaz atanǵan edi. Bıyl odan shet qalǵandyqtan, 500 reıtıngilik upaıynan aıyrylady. Qazirdiń ózinde E.RybakınaWTA Live reıtıngisinde 11-orynǵa tómendep tur. 

ıÝlııa Pýtıntseva burynǵysynsha 23-satyda bolsa, Jibek Qulambaeva 310-nan 312-ge, Zarına Dııas 327-den 328-ge syrǵydy.

Juptyq synda Anna Danılına – 18, ıÝ.Pýtıntseva – 75, J.Qulambaeva 162-orynda qaldy. 

Erler arasynda kásibı tennısshiler qaýymdastyǵy (ATP) reıtıngisinde Aleksandr Býblık 76-dan 78-ge tússe, Aleksandr Shevchenko 106-dan 104-ke joǵarylady. 

Dmıtrıı Popko 159-dan 161-ge, Mıhaıl Kýkýshkın 162-den 167-ge, Beıbit Juqaev 205-ten 207-ge tússe, Tımofeı Skatov 179-da qaldy.

Juptyq synda Aleksandr Nedovesov 103-ten 100-ge, A.Býblık 133-ten 130-ǵa kóterildi. 

Osy aptada qazaqstandyq tennısshiler sátti óner kórsetse, reıtıngidegi ornyn jaqsarta alady. 

Mıýnhen (Germanııa) ATP 500 dodasynyń alǵashqy aınalymynda A.Býblık álemniń 50-raketkasy, belgııalyq Zızý Bergspen, A.Shevchenko reıtıngide 36-satydaǵy ıtalııalyq Flavıo Kobollımen kezdesedi. 

Eske sala keteıik, budan buryn Aleksandr Býblıktiń Mıýnhen týrnırine joldama alǵanyn jazǵan bolatynbyz.