Qazaqstandyq tennısshiler juptyq synda álemdik reıtıngide joǵary kóterildi

ASTANA. KAZINFORM – Qazaqstandyq tennısshiler juptyq synda ATP reıtıngisinde joǵary kóterildi.

Qazaqstannyń birinshi raketkasy Aleksandr Nedovesov 48-den 47-orynǵa shyqty. 

Sonymen qatar Aleksandr Býblık 144-ten 133-ke aýysty. 

Basqa da qazaqstandyq tennısshilerdiń juptyq synda alǵa basyp kele jatqanyn baıqaýǵa bolady. Atap aıtqanda, qazirgi kezde Alekseı Nesterov — 556 (+5), Tımofeı Skatov — 868 (+1), Aleksandr Shevchenko — 879 (+1), Rostıslav Galfınger — 1588 (+5), Tımýr Máýlenov — 1709 (+11), Pavel Petrov — 2114 (+1) jáne Erasyl Erdildá — 2444-orynda (+2) tur. 

A.Nedovesov rýmynııalyq Vıktor Vlad Kornıamen birge keshe Istbýrn (Ulybrıtanııa) ATP 250 týrnıriniń alǵashqy aınalymynda argentınalyq Sebastıan Baes – Marıano Navonǵa 3:6, 6:7 (2:7) esebimen jol berip, shırek fınalǵa shyǵa almaı qaldy.

Eske sala keteıik, budan buryn qazaqstandyq úsh tennısshiniń Ýımbldon týrnıriniń irikteý kezeńiniń jartylaı fınalyna ótkenin jazǵan bolatynbyz.