Qazaqstandyq tennısshiler úshin Ýımbldon týrnıri bıyl sátti bola ma
ASTANA. KAZINFORM — 29 maýsym – 12 shilde aralyǵynda Londonda ótetin Ýımbldon týrnırinde qazaqstandyq tennısshilerdiń qarsylastary anyqtaldy.
Qazaqstannyń birinshi, álemniń 2-raketkasy, Ýımbldon jarysynyń 2022 jylǵy chempıony Elena Rybakına alǵashqy kezdesýin reıtıngide 154-oryndaǵy frantsııalyq Lýa Býassonmen ótkizedi.
Frantsııalyq tennısshi reıtıngide tómen turǵanymen, ótken jyly Rolan Garros týrnırinde aıdy aspanǵa shyǵaryp, jartylaı fınalǵa deıin jetti.
Álemniń 85-raketasy ıÝlııa Pýtıntseva reıtıngide 112-satydaǵy germanııalyq Tatıana Marııadan ótýge tyrysyp kóredi.
Qazaqstannyń erler arasynda birinshi, álemniń 11-raketasy Aleksandr Býblık alǵashqy aınalymda reıtıngide 492-oryndaǵy aýstralııalyq Tanası Kokkınakıspen sheberlik baıqasady.
Reıtıngide 92-oryndaǵy Aleksandr Shevchenkoǵa qıyn qarsylas tap boldy. Ol álemniń 4-raketkasy, kanadalyq Felıks Oje-Alıassımmen oınaıdy.
Ótken jyly Ýımbldonda E.Rybakına úshinshi aınalymǵa deıin jetken edi. Al qalǵan úsheýi alǵashqy kezdesýlerinde-aq jeńilip qalǵan bolatyn. Bıyl qazaqstandyq tennısshiler jyldyń úshinshi «Úlken dýlyǵa» dodasynda sátti óner kórsetse, reıtıngilik upaı jınap, jaǵdaılaryn jaqsarta alady.
Eske sala keteıik, budan buryn Jibek Qulambaevanyń Polshadaǵy týrnırdiń fınalyna shyqqanyn jazǵan edik.
