Qazaqstandyq tennısshiler United Cup týrnırinde qansha tabys tapty

ASTANA. KAZINFORM – Aýstralııada ótip jatqan United Cup týrnırinde qazaqstandyq tennısshilerdiń osyǵan deıin qansha tabys tapqany belgili boldy.

Atalmysh jarysta Qazaqstan namysyn Elena Rybakına men Aleksandr Shevchenko, sondaı-aq Jibek Qulambaeva, Dmıtrıı Popko, Aleksandr Nedovesov qorǵaýda.

E.Rybakına men A.Shevchenko úsh matchtan (eki jekeleı, bir juptyq báseke) oınasa, J.Qulambaeva men A.Nedovesov juptyq synda bir-aq ret óner kórsetti. D.Popko oıynǵa qosylǵan joq.

Álemniń 6-raketkasy Elena Rybakına basqalardan kóp tabys tapty. Shırek fınalǵa deıin-aq ol 230 myń (qatysqany úshin), 85,6 myń (jekeleı syndaǵy eki jeńisi úshin), 8 myń (juptyq synda bir ret utqany úshin) jáne komandalyq utys úshin 11,2 myń dollar alady. Osylaısha, Ispanııa men Grekııany jeńgeni úshin qazaqstandyq tennısshi 334,8 myń dollar nemese 175 mln teńge tabys tapty.

Ózge qazaqstandyqtardyń tabysy mynadaı.

Aleksandr Shevchenko - 96,5 myń dollar (34,5 + 50,8 + 11,2) - 50 mln teńge;

Jibek Qulambaeva - 29,7 myń dollar (10,5 + 8 + 11,2) - 15,5 mln teńge;

Aleksandr Nedovesov - 35,7 myń dollar (16,5 + 8 + 11,2) - 18 mln teńge;

Dmıtrıı Popko - 26,75 myń dollar (15,75 + 11,20) - 14 mln teńge.

Toptyq básekelerde tennısshiler ár matchta jekeleı synda jeńse, 42,8 myń, aralas juptyq syndaǵy utysy úshin 8 myń, sondaı-aq komandanyń jeńisi úshin taǵy 5,6 myń dollar alady.

Eske sala keteıik, budan buryn tennısten United Cup týrnırinde Aleksandr Shevchenkonyń álemniń 11-raketkasyn jeńgenin jazǵan bolatynbyz.

United Cup týrnırinde Elena Rybakına bastaǵan Qazaqstan quramasy pleı-off kezeńine shyqty.

United Cup týrnırinde Qazaqstan quramasy Grekııany mıkste de jeńdi.