Qazaqstandyq tennısshiler Túrkııadaǵy týrnırdiń jartylaı fınalyna ótti

ASTANA. KAZINFORM – Qazaqstandyqtar Asyljan Arystanbekova men Іńkár Dúısebaı juptyq synda Antalııa (Túrkııa) ITF W15 týrnıriniń jartylaı fınalyna joldama aldy.

Jarystyń 4-raketkalary bolyp tirkelgen qazaqstandyq jup shırek fınalda majarstandyq Melında Bıro men aýstrııalyq Klaýdıa Gasparovıchpen sheberlik baıqasty.

Asyljan men Іńkár qarsylastaryna esh múmkindik qaldyrmaı, 6:1, 6:0 esebimen oısyrata jeńdi. 

Endi qazaqstandyq tennısshiler fınalǵa shyǵý úshin osy dodanyń 1-raketkalary, japonııalyqtar Nanarı Katsýmı men Rınko Matsýda jubymen talasady.

Aıta keteıik, Asyljan Arystanbekova jekeleı synda 1/16 fınalda dál osy N.Katsýmıge jol berdi – 4:6, 3:6.

Eske salsaq, budan buryn qazaqstandyq tennısshilerdiń Túrkııadaǵy týrnırdiń shırek fınalyna shyqqanyn jazǵan edik.

Sondaı-aq Arýjan Saǵyndyqova Úndistandaǵy týrnırde bir kúnde eki oıyndy jeńispen túıindedi.