Qazaqstandyq tennısshiler Túrkııadaǵy týrnırdiń fınalyna shyqty

ASTANA. KAZINFORM — Qazaqstandyqtar Asyljan Arystanbekova men Іńkár Dúısebaı juptyq synda Antalııa (Túrkııa) ITF W15 týrnıriniń fınalyna joldama aldy.Qazaqstandyq jup bul jarysta 4-raketka bolyp tirkelgen edi. 

Asyljan men Іńkár jartylaı fınalda osy dodanyń 1-raketkalary, japonııalyqtar Nanarı Katsýmı men Rınko Matsýdaǵa qarsy keldi.

Birinshi partııada japonııalyq jup basymdylyq tanytty — 6:4.

Budan keıin qazaqstandyqtar azýly qarsylastaryn tyǵyryqqa tirep, kambek jasaı bildi — 6:4, 10:7.

Osylaısha, Asyljan men Іńkár sońǵy básekede chempıondyq ataq úshin kortqa shyǵady.

Taǵy bir qazaqstandyq Arýjan Saǵyndyqova reseılik Elına Neplıımen birge Nıý-Delı (Úndistan) ITF W35 jarysynyń fınalynan shet qaldy. Olar jartylaı fınalda úndistandyqtar Vaıdehı Chaýdharı — Zıl Desaıǵa jol berdi — 2:6, 4:6.

Eske sala keteıik, budan buryn Arýjan Saǵyndyqovanyń Úndistandaǵy týrnırde bir kúnde eki oıyndy jeńispen túıindegenin jazǵan bolatynbyz.

Sondaı-aq qazaqstandyq tennısshiler Túrkııadaǵy týrnırdiń jartylaı fınalyna ótti.