Qazaqstandyq tennısshiler Túrkııadaǵy týrnırde úzdik shyqty

ASTANA. KAZINFORM — Qazaqstandyqtar Asyljan Arystanbekova men Іńkár Dúısebaı juptyq synda Antalııa (Túrkııa) ITF W15 týrnıriniń jeńimpazy atandy.

Jarystyń 4-raketkasy bolyp tirkelgen qazaqstandyq jup fınalda armenııalyq Anı Amıragıan – túrkııalyq Ada Kýmrýmen chempıondyq ataqty sarapqa saldy.

Armenııalyq-túrkııalyq dýet matchty sátti bastady – 7:5. Degenmen budan keıin qazaqstandyqtar oıyn tizginin qolyna aldy – 6:4.

Sýper taı-breıkte Asyljan men Іńkár jeńisti julyp aldy – 11:9.

Buǵan deıin A.Arystanbekova men І.Dúısebaı tamyz aıynda Astanada Prezıdent kýbogy úshin ótken ITF W15 dodasynda úzdik shyqqan edi.

Eske sala keteıik, budan buryn qazaqstandyq tennısshilerdiń Túrkııadaǵy týrnırdiń fınalyna shyqqanyn jazǵan bolatynbyz.