Qazaqstandyq tennısshiler Túrkııadaǵy týrnırdi sátti ótkizip jatyr

Qazaqstandyq tennısshiler Dmıtrıı Popko men Asyljan Arystanbekova Antalııadaǵy (Túrkııa) ITF týrnırin sátti ótkizip jatyr, dep habarlaıdy Kazinform.

Dúnıejúzilik reıtıngide 504-orynda turǵan D.Popko shırek fınalda álemniń 327-inshi, jarystyń 1-raketkasy, rýmynııalyq Fılıp Krıstıan Jııanýmen kezdesti. Qazaqstandyq sportshy qarsylasyn 6:4, 7:5 esebimen tize búktirdi. 

Dmıtrıı Popko fınalǵa shyǵý úshin álemniń 404-raketkasy, ulybrıtanııalyq Djeı Klarkpen talasady.

17 jastaǵy Asyljan Arystanbekova áıelder arasynda dál osyndaı dodada ekinshi aınalymda ıtalııalyq Francheska Peısti 7:5, 7:5 esebimen jeńip, shırek fınalǵa joldama aldy. 

Asyljan álemniń 700-raketkasy, serbııalyq ıAna Boıovıchpen jartylaı fınal joldamasyn sarapqa salady. 

Eske sala keteıik, budan buryn 17 jasar qazaqstandyq tennısshiniń Túrkııadaǵy týrnırdi jeńispen bastaǵanyn jazǵan bolatynbyz.