Qazaqstandyq tennısshiler Shymkent týrnıriniń jeńimpazy atandy

ShYMKENT. KAZINFORM — Qazaqstandyqtar Asyljan Arystanbekova – Sandýǵash Kenjebaeva juptyq synda Shymkent ITF W15 týrnıriniń chempıony atandy.

Qazaqstandyq jup fınalǵa barar jolda úsh kezdesýin jeńispen aıaqtady.

Sonyń ishinde shırek fınalda jarystyń 1-raketkalary, reseılik Ksenııa Laskýtova – qazaqstandyq Arýjan Saǵyndyqovany tartysty básekede qapy qaldyrdy – 6:2, 3:6, 10:5.

A.Arystanbekova – S.Kenjebaeva fınalda Italııa ókili Irene Lavıno – japonııalyq Haıne Ogatamen bas júldeni sarapqa saldy.

Qazaqstandyq dýet basty matchta qarsylastaryn 6:4, 6:4 esebimen tize búktirdi. 

Sonymen qatar taǵy bir qazaqstandyq Grıgorıı Lomakın erler arasynda osy jarysta juptyq synda úzdik shyqty. Ol reseılik Pavel Verbınmen birge sońǵy básekede dodanyń 4-raketkalary, grýzııalyq Aleksandr Bakshı – germanııalyq Nıklas Sheldi utty – 7:6 (7:1), 6:3. 

Eske sala keteıik, budan buryn Elena Rybakınanyń Shtýtgart jarysynyń jartylaı fınalyna ótkenin jazǵan edik.

Elena Rybakına Shtýtgart týrnıriniń fınalyna shyǵý úshin álemniń 1-raketkasymen talasady.