Qazaqstandyq tennısshiler Shanhaı masters týrnıriniń irikteý saıysyn sátti bastady

Qazaqstandyq tennısshiler Beıbit Juqaev, Denıs Evseev jáne Mıhaıl Kýkýshkın Shanhaı (Qytaı) masters týrnıriniń irikteý saıysyn sátti bastady, dep habarlaıdy QazAqparat tilshisi. 

Álemniń 258-raketkasy D.Evseev dúnıejúzilik reıtıngte 905-orynda turǵan qytaılyq Chjoý Idi 6:2, 6:4 esebimen tize búktirdi.

Álemniń 246-raketkasy M.Kýkýshkın reıtıngte 580-satydaǵy taǵy bir qytaılyq Tao Mıdi dál sondaı eseppen utty.

Reıtıngte 302-oryndaǵy B.Juqaev álemniń 232-raketkasy, taıbeılik Djeıson Djangtan basym tústi - 4:6, 6:3, 6:3.

Іrikteý saıystarynyń fınalynda Denıs Evseev taıbeılik Týn-Lın Výmen, Mıhaıl Kýkýshkın aýstralııalyq Lıýk Sevılmen, Beıbit Juqaev chehııalyq Domınık Palanmen kortqa shyǵady.

Qarsylastaryn jeńse, negizgi jarysqa joldama alady.

Eske sala keteıik, budan buryn Elena Rybakınanyń Beıjińde Azıada chempıonyn oısyrata utqanyn jazǵan bolatynbyz.