Qazaqstandyq tennısshiler Mysyrdaǵy týrnırdiń shırek fınalyna shyqty
ASTANA. KAZINFORM — Qazaqstandyq tennısshiler juptyq synda Sharm-el-Sheıh (Mysyr) ITF W15 týrnıriniń shırek fınalyna shyqty.
Jarystyń 3-raketkasy bolyp tirkelgen Sandýǵash Kenjebaeva men chehııalyq Ivana Sebestova bastapqy matchta bolgarııalyq Iva Ivanova – slovenııalyq Ela Nala Mılıchti ońaı jeńdi – 6:1, 6:2.
Qazaqstandyq-chehııalyq jup jartylaı fınalǵa shyǵý úshin reseılik Polına Kaıbekova – grýzııalyq Zozııa Kardavamen talasady.
Qazaqstandyqtar Asyljan Arystanbekova – Arýjan Saǵyndyqova alǵashqy aınalymda reseılik Marıanna Shıhanova – mysyrlyq Hams Metvalıdi joldan taıdyrdy – 6:1, 6:3.
Asyljan men Arýjannyń shırek fınaldaǵy qarsylastary – reseılikter Sofıa Gapankova men Ksenııa Ersh.
Eske sala keteıik, budan buryn Jibek Qulambaevanyń Portýgalııadaǵy jarysty sátti bastaǵanyn jazǵan bolatynbyz.