Qazaqstandyq tennısshiler Qytaıdaǵy jarysty jeńispen bastady

Qazaqstandyqtar ıÝlııa Pýtıntseva men Anna Danılına Nınbo (Qytaı) WTA 250 týrnırin jeńispen bastady, dep habarlaıdy QazAqparat tilshisi.

Qazaqstannyń jekeleı syndaǵy ekinshi, álemniń 73-raketkasy ıÝlııa Pýtıntseva bastapqy kezdesýin dúnıejúzilik reıtıngte 248-orynda turǵan aýstralııalyq Darıa Savıllmen ótkizdi.

Qazaqstandyq tennısshi 6:1, 6:4 esebimen qınalmaı utty. ıÝlııa Pýtıntseva shırek fınalǵa shyǵý úshin álemniń 14-inshi, jarystyń 2-raketkasy, chehııalyq Petra Kvıtova nemese reıtıngte 112-satydaǵy germanııalyq Anna-Lena Frıdzamnyń bireýimen talasady.

Qazaqstannyń juptyq syndaǵy birinshi, álemniń 32-raketkasy Anna Danılına reseılik Aleksandra Panovamen birge shırek fınalǵa shyqty.Dodanyń 2-raketkasy bolyp tirkelgen qazaqstandyq-reseılik jup alǵashqy aınalymda nıderlandtyq Arıanne Hartono – aýstralııalyq Olıvııa Tıandramýlııany joldan taıdyrdy – 6:4, 7:5.

A.Danılına men A.Panovanyń kelesi qarsylastary keıin anyqtalady.

Eske sala keteıik, budan buryn qazaqstandyq tennısshilerdiń Azııa oıyndaryn sátti bastaǵanyn jazǵan edik.

Sondaı-aq Elena Rybakına Tokıo WTA 500 týrnırinen nege bas tartqanyn túsindirdi.

Elordada Astana Open ATP 250 týrnıriniń jerebesi tartyldy.