Qazaqstandyq tennısshiler Ispanııadaǵy jarysta úzdik shyqty
ASTANA. KAZINFORM — Qazaqstandyq tennısshiler Asyljan Arystanbekova men Іńkár Dúısebaı juptyq synda Madrıd (Ispanııa) ITF W15 týrnıriniń chempıony atandy.
Atalmysh jarystyń 2-raketkasy bolyp tirkelgen qazaqstandyq jup fınalǵa deıin irkilmeı jetti.
Sońǵy básekede dodanyń 4-raketkalary, ıspanııalyq Selııa Servıno Rýıs — slovakııalyq Tamara Shramkovamen bas júldeni sarapqa saldy.
Birinshi partııada Asyljan men Іńkár 6:4 esebimen basym tústi.
Ekinshi sette ıspanııalyq-slovakııalyq dýet qarymta qaıyrdy – 6:2. Degenmen sýper taı-breıkte qazaqstandyqtar esesin jibermedi – 10:6.
Ótken jyly da Asyljan Arystanbekova men Іńkár Dúısebaı osyndaı birneshe týrnırde top jarǵan edi.
Qazaqstannyń juptyq syndaǵy birinshi, álemniń 7-raketkasy Anna Danılına Sen-Malo (Frantsııa) chellendjer týrnıriniń fınalynan tys qaldy. Ol amerıkalyq Eıja Mýhammadpen birge jartylaı fınalda taıbeılik Chan Hao-Chın – amerıkalyq Ivana Korleıge ese jiberdi – 4:6, 6:7 (4:7).
Eske sala keteıik, budan buryn qazaqstandyq tennısshilerdiń Ispanııadaǵy týrnırdiń fınalynda oınaıtynyn jazǵan edik.
Sondaı-aq Sandýǵash Kenjebaeva Qytaıdyń týrnırdiń fınalyna shyqty.
