Qazaqstandyq tennısshiler Ispanııadaǵy týrnırdiń fınalynda oınaıdy
ASTANA. KAZINFORM — Qazaqstandyq tennısshiler Asyljan Arystanbekova men Іńkár Dúısebaı juptyq synda Madrıd (Ispanııa) ITF W15 týrnıriniń fınalyna shyqty.
Jarystyń 2-raketkasy bolyp tirkelgen qazaqstandyq dýet aldymen ıtalııalyq Emma Fore — frantsııalyq Eloız Gýrneni qapy qaldyrdy — 6:2, 6:2.
Іńkár men Asyljan shırek fınalda portýgalııalyqtar Tereza Franký Dıash — Analý Freıtaspen oınaýy tıis edi. Biraq qarsylastary matchqa qatysýdan bas tartty.
A.Arystanbekova — І.Dúısebaı jartylaı fınalda rýmynııalyq Marııa Toma — ózbekstandyq Sevıl ıÝldashevanyń mysyn basty — 6:4, 7:5.
Asyljan Arystanbekova — Іńkár Dúısebaı fınalda ıspanııalyq Selııa Servıno Rýıs — slovakııalyq Tamara Shramkovamen bas júldeni sarapqa salady.
Reıtıngide 1 093-oryndaǵy A.Arystanbekova jekeleı synda da sátti óner kórsetýde. Ol aldymen ıspanııalyq Karlota Korteden aılasyn asyrdy — 6:4, 6:2.
Asyljan búgin álemniń 855-raketkasy, taǵy bir ıspanııalyq Klaýdııa Ferrer Peresten basym tústi — 6:4, 6:0. Sóıtip shırek fınalǵa joldama aldy.
Eske sala keteıik, budan buryn Rolan Garros týrnırine Qazaqstannan kimder qatysatynyn jazǵan bolatynbyz.
Sondaı-aq Zańǵar Nurlanuly álemdik reıtıngide rekordtyq kórsetkishke qol jetkizdi.
Anna Danılına Frantsııadaǵy jarystyń fınalyna joldama aldy.
