Qazaqstandyq tennısshiler Germanııadaǵy jarysty sátti bastady
ASTANA. KAZINFORM – Qazaqstandyqtar Dmıtrıı Popko men Tımofeı Skatov Hagen (Germanııa) chellendjer týrnıriniń ekinshi aınalymyna shyqty.
Álemniń 221-raketkasy D.Popko bastapqy oıynynda reıtıngide 457-satydaǵy ulybrıtanııalyq Anton Matýsevıchtiń mysyn basty.
Eki saǵat 14 mınýtqa sozylǵan tartysty básekede qazaqstandyq tennısshi kambek jasap, 3:6, 6:3, 6:4 esebimen qarsylasynyń osal tusyn tapty. Ol 9 eıspen birge 11 breık-poınttyń tórteýin óz esebine jazdy. Matýsevıch 1 eıs, 3 breıkpen (10 breık-poınt) shekteldi.
D.Popko shırek fınalǵa shyǵý úshin álemniń 151-raketkasy, taǵy bir ulybrıtanııalyq ıAn Choınskımen talasady. Ol reıtıngide 298-satydaǵy ıtalııalyq Lorentso Djýstınony joldan taıdyrdy – 4:6, 6:3, 7:6 (7:1).
Taǵy bir qazaqstandyq, álemniń 305-raketkasy Tımofeı Skatov reıtıngide 680-oryndaǵy bolgarııalyq Aleksandr Donskıdi qapy qaldyrdy – 6:1, 6:3. Bir saǵat 9 mınýtqa sozylǵan kezdesýde Skatov 3 eıs jasap, 9 breık-poınttyń beseýin paıdalandy. Donskı 6 eıs, 1 breıkpen (6 breık-poınt) kózge tústi.
Tımofeı Skatovtyń kelesi qarsylasy – álemniń 150-raketkasy, germanııalyq ıAnnık Hanfmann. Ol reıtıngide 839-oryndaǵy japonııalyq Djeı Dılan Hara Frıendti jeńdi – 7:5, 6:2.
Eske sala keteıik, budan buryn Mıhaıl Kýkýshkınniń Portýgalııadaǵy jarysta reseılikti qapy qaldyrǵanyn jazǵan edik.