Qazaqstandyq tennısshiler Frantsııadaǵy týrnırde qarsylastaryn oısyrata utty

ASTANA. KAZINFORM — Qazaqstandyq tennısshiler Tımofeı Skatov pen Mıhaıl Kýkýshkın Lıll (Frantsııa) chellendjer týrnıriniń ekinshi aınalymyna shyqty. 

Álemniń 195-raketkasy T.Skatov alǵashqy aınalymda reıtıngide 294-oryndaǵy kort ıesi Kalvın Emerıdi ońaı jeńdi — 6:1, 6:3.

Bir saǵat 19 mınýtqa sozylǵan básekede Skatov 5 breık-poınttyń tórteýin paıdalandy.

Taǵy bir qazaqstandyq, reıtıngide 263-oryndaǵy, dodany irikteý saıystarynan bastaǵan M.Kýkýshkın sol qarqynyn negizgi jarysta da joǵaltqan joq. Ol álemniń 156-raketkasy, ıtalııalyq Djýlıo Zeppıerıdi súrindirdi — 6:3, 6:1. Bul kehdesý de bir saǵattan astam ýaqytqa sozyldy. Kýkýshkın 2 eıs,.4 breıkpen (14 breık-poınt) kózge tústi.

Tımofeı Skatov pen Mıhaıl Kýkýshkın shırek fınalǵa shyǵý úshin frantsııalyqtar, álemniń 120-raketkasy Tıtýan Droge jáne reıtıngide 130-oryndaǵy Lıýka van Ashpen talasady.

Eske sala keteıik, budan buryn Beıbit Juqaevtyń Úndistandaǵy týrnırde jarystyń 1-raketkasyn jeńgenin jazǵan edik.