Qazaqstandyq tennısshiler ekinshi ret qatarynan Astana týrnıriniń fınalyna deıin jetti
ASTANA. KAZINFORM — Qazaqstandyq tennısshiler Asyljan Arystanbekova men Іńkár Dúısebaı juptyq synda Astana ITF W15 týrnıriniń fınalynda óner kórsetti.
Jarystyń 1-raketkalary bolyp tirkelgen qazaqstandyq jup úsh kezdesýin jeńispen aıaqtady.
Іńkár men Asyljan jartylaı fınalda reseılikter Edda Mamedova – Polına Starkovadan aılasyn asyrdy – 5:7, 7:5, 10:4.
A.Arystanbekova – І.Dúısebaı fınalda japonııalyqtar Rınko Matsýda – Sera Nıshımotomen chempıondyq ataqty sarapqa saldy. Jeńis japonııalyq juptyń enshisinde ketti – 6:3, 6:1.
Osylaısha, qazaqstandyq dýet ekinshi ret qatarynan Astana týrnıriniń fınalyna deıin jetip, kúmis júldeni qanaǵat tutty. Ótken aptada Asyljan men Іńkár sońǵy básekede ońtústikkoreıalyq Gaýl Djang – reseılik Marııa Sholohovaǵa ese jibergen edi – 4:6, 2:6.
Qazaqstannyń erler arasynda ekinshi, álemniń 100-raketkasy Aleksandr Shevchenko jekeleı synda Gshtaad (Shveıtsarııa) ATP 250 týrnıriniń jartylaı fınalynda oınady.
Qazaqstandyq tennısshi tartysty matchta kezinde álemdik reıtıngide úshinshi orynǵa deıin kóterilgen, qazir 85-satydaǵy grekııalyq Stefanos Tsıtsıpasqa ese jiberdi – 4:6, 6:3, 3:6.
Bir saǵat 53 mınýtqa sozylǵan básekede A.Shevchenko 4 eıspen birge 3 breık-poınttyń bireýin paıdalandy. Tsıtsıpas 3 eıs, 2 breıkpen (9 breık-poınt) kózge tústi.
Osylaısha, Aleksandr Shevchenko fınaldan tys qaldy.
Eske sala keteıik, budan buryn Rýmynııadaǵy ıAssy týrnırinde jarystyń 1-raketkasyn jeńgen Jibek Qulambaevanyń fınalǵa shyqqanyn jazǵan edik.
Sondaı-aq Shevchenko Shveıtsarııadaǵy týrnırde Býblıktiń ketken esesin qaıtardy.
