Qazaqstandyq tennısshiler Aýstralııadaǵy jarystyń shırek fınalyna shyqty

Qazaqstandyqtar Denıs Evseev pen Tımofeı Skatov juptyq synda Kanberra (Aýstralııa) chellendjer týrnıriniń shırek fınalyna shyqty, dep habarlaıdy Kazinform. 

Qazaqstandyq jup alǵashqy aınalymda aýstralııalyqtar Aleks Bolt – Lıýk Sevılmen oınady.

Birinshi partııada aýstralııalyq dýet 6:3 esebimen basymdyq tanytty.

Esesine ekinshi partııada D.Evseev pen T.Skatov qarymta qaıyrdy – 7:6 (7:3). Sodan keıin sýper taı-breıkte jeńisti julyp aldy – 10:7. Bir saǵat 38 mınýtqa sozylǵan match barysynda olar 2 eıspen birge 3 breık-poınttyń ekeýin paıdalandy. Aýstralııalyqtar 3 eıs, 3 breıkpen (7 breık-poınt) kózge tústi.

Tımofeı Skatov – Denıs Evseev jartylaı fınalǵa shyǵý úshin jarystyń 3-raketkalary, ekvadorlyq Dıego Idalgo – kolýmbııalyq Krıstıan Rodrıgespen talasady.

Eske sala keteıik, budan buryn Denıs Evseevtiń Kanberrada ekinshi aınalymǵa ótkenin jazǵan bolatynbyz.

Sondaı-aq Anna Danılına Oklend týrnıriniń shırek fınalyna shyqty.