Qazaqstandyq tennısshilerdiń Aýstralııadaǵy týrnırden keıin reıtıngidegi orny jaqsardy

ASTANA. KAZINFORM – Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngini jarııa etti. 

Qazaqstandyq tennısshi ekinshi satydaǵy Polsha ókili Iga Shventekke (7 978 upaı) jaqyndaı tústi. 

Aýstralııa chempıonatynyń fınalynda E.Rybakınadan jeńilis tapqan álemniń 1-raketkasy, belorýssııalyq Arına Sobolenkonyń esebinde 10 990 upaı bar. 

Alǵash ret Aýstralııa birinshiliginiń tórtinshi aınalymyna deıin jetken ıÝlııa Pýtıntseva 94-ten 70-satyǵa shyqty. 

Sondaı-aq osy týrnırde baq synaǵan Zarına Dııas 290-nan 282-ge jaıǵasty.

Aýstralııa dodasynyń fınalısi Anna Danılına juptyq synda 14-ten 11-ge joǵarylady. 

Erler arasynda ATP reıtıngisinde Qazaqstannyń birinshi raketkasy Aleksandr Býblık 3 065 upaımen 10-ornyn saqtap qaldy. Ol 9-satydaǵy amerıkalyq Teılor Frıtske (3 840 upaı) jaqyn tur.

Aleksandr Shevchenko TOP-100-ge qaıta oralyp, 97-ge (+7) ornyqty. 

Tımofeı Skatov ta kórsetkishin jaqsartty. Ol qazir 183-orynda (+12). 

Eske sala keteıik, budan buryn Karlos Alkarastyń barlyq «Úlken dýlyǵa» týrnırin utqan eń jas tennısshi atanǵanyn jazǵan edik.