Qazaqstandyq tennısshiler Aýstralııadaǵy týrnırdi sátti bastady

Qazaqstandyqtar Denıs Evseev pen Tımofeı Skatov Kanberra (Aýstralııa) chellendjer týrnıriniń irikteý saıysyn sátti bastady, dep habarlaıdy Kazinform.

Álemniń 190-raketkasy D.Evseev irikteý saıystarynyń birinshi aınalymynda dúnıejúzilik reıtıngte 306-orynda turǵan aýstralııalyq Lıýk Sevılmen kezdesti.

Bastapqy sette aýstralııalyq tennısshi 6:2 esebimen basym túskenimen, Evseev tarazy basyn aýdara aldy – 6:1, 6:3.

Eki saǵatqa jýyq ýaqytqa sozylǵan tartysty matchta Denıs 2 eıs jasap, 14 breık-poınttyń altaýyn óz esebine jazdy. Qarsylasy 5 eıs, 5 breıkpen (13 breık-poınt) kózge tústi.
Álemniń 222-raketkasy Tımofeı Skatov reıtıngte orny joq taǵy bir kort ıesi Hıý Ýınterdi bir saǵatqa jetpeıtin ýaqytta 6:0, 6:2 esebimen ońaı jeńdi. Ol 2 eıspen birge 5 breık-poıntty túgel paıdalandy.

Denıs Evseev irikteý saıystarynyń fınalynda álemniń 217-rakateasy, bosnııalyq Nerman Fatıchpen, Tımofeı Skatov reıtıngte 1388-satydaǵy aýstralııalyq Keısı Hýlmen talasady. Qarsylastaryn jeńse, negizgi jarysqa joldama alady.

Júlde qory 164 myń AQSh dollaryna baǵalanǵan atalmysh doda 1-7 qańtar aralyǵynda ótedi.
D.Evseev pen T.Skatov Aýstralııa ashyq chempıonatynyń irikteý saıystaryna qatysatyndyqtan, oǵan deıin daıyndalyp alýdyń mańyzy zor.

Eske sala keteıik, budan buryn ıÝlııa Pýtıntsevanyń Oklend týrnırindegi qarsylasy anyqtalǵanyn jazǵan edik.