Qazaqstandyq tennısshiler ATR 250 týrnıriniń ekinshi aınalymyna shyqty

ASTANA. KAZINFORM – Qazaqstandyqtar Denıs Evseev pen Tımofeı Skatov Bostad (Shvetsııa) ATR 250 týrnıriniń ekinshi aınalymyna joldama aldy.

Olardyń ekeýi de jarysty irikteý saıystarynan bastaǵan edi.

Dúnıejúzilik reıtıngide 160-orynda turǵan D.Evseev alǵashqy aınalymda álemniń 103-raketkasy, frantsııalyq Aleksandr Mıýllerdiń meselin qaıyrdy.

Eki sette 7:5 esebi tirkeldi. Saǵat jarymnan astam ýaqytqa sozylǵan báseke barysynda Evseev 4 eıspen birge 4 breık-poınttyń úsheýin paıdalandy. Mıýller 4 eıs, 1 breıkpen (3 breık-poınt) shekteldi.

Denıs Evseev shırek fınalǵa shyǵý úshin álemniń 54-raketkasy, ıspanııalyq Roberto Karbales Baenamen talasady.

Osylaısha, D.Evseev óziniń sporttyq jolynda alǵash ret ATR 250 jarysynyń ekinshi aınalymyna ótti. Buǵan deıin ol tek Shanhaı masters dodasynyń birinshi aınalymynda ǵana oınaǵan edi.

Taǵy bir qazaqstandyq, reıtıngide 223-satydaǵy Tımofeı Skatov asa tartysty matchta álemniń 90-raketkasy, japonııalyq Taro Denıeldi joldan taıdyrdy – 6:7 (7:9), 6:2, 7:6 (7:4).

Úsh saǵat 32 mınýtqa sozylǵan oıynda Skatov 8 eıs jasap, 12 breık-poınttyń beseýin qur jibergen joq. Denıel 9 eıs, 3 breıkpen (8 breık-poınt) kózge tústi.

Tımofeı Skatovtyń kelesi qarsylasy – álemniń 27-inshi, osy jarystyń 3-raketkasy, nıderlandylyq Tallon Grıkspor.

Eske sala keteıik, budan buryn tennısten Prezıdent kýboginde Grıgorıı Lomakınniń alǵashqy jeńisine qol jetkizgenin jazǵan bolatynbyz.

Sondaı-aq 16 jastaǵy Ámir Omarhanov Prezıdent kýbogin jeńispen bastady.