Qazaqstandyq tennısshiler Astana týrnırinde chempıondyq ataqqa talasady
ASTANA. KAZINFORM — Qazaqstandyq tennısshiler Astana qalasynda ótip jatqan World Tennis Tour M15/W15 Asu Open týrnırinde juptyq synda fınalǵa shyqty.
Erler arasynda Damır Jalǵasbaı men Danııal Rahmatýllaev úsh kezdesýin jeńispen támamdady.
Qazaqstandyq jup alǵashqy aınalymda-aq jarystyń 2-raketkalary bolyp tirkelgen reseılikter Ivan Gretskıı – Egor Pleshıvtsevti sensatsııa jasap, eki partııada jeńdi – 6:4, 6:4.
Damır men Danııal shırek fınalda otandastary Іlııas Maratuly – Arsenıı Trebýhınnen aılasyn asyrdy – 6:1, 2:6, 10:8.
D.Jalǵasbaı – D.Rahmatýllaev búgin jartylaı fınalda reseılikter Dmıtrıı Bessonov – Grıgorıı Shebekındi qapy qaldyrdy – 7:6 (8:6), 6:3.
Qazaqstandyq dýet fınalda Belarýs ókili Martın Borısıýk – úndistandyq Karan Sınghpen bas júldeni sarapqa salady.
Áıelder arasynda dodanyń 2-raketkalary bolyp tirkelgen Asyljan Arystanbekova – Іńkár Dúısebaı úmitti aqtady.
Asyljan men Іńkár bastapqyda túrkııalyq Selına Ataı – reseılik Anastasııa Mozgalevany tyqsyra bildi – 7:6 (7:1), 6:1.
A.Arystanbekova – І.Dúısebaı shırek fınalda ońtústikkoreıalyq Ha Ym Lı – reseılik Anna Pýshkarevany tize búktirdi – 6:2, 6:3.
Asyljan – Іńkár jartylaı fınalda reseılikter Vıktorııa Mılovanova – Darıa Zelınskaıamen tartysty ótken matchta kambek jasady – 4:6, 6:3, 10:7.
Qazaqstandyq jup sońǵy básekede týrnırdiń 1-raketkalary, ońtústikkoreıalyqtar Hırae Im – Eýnsshae Kımmen kortqa shyǵady.
D.Jalǵasbaı men A.Arystanbekova búgin sondaı-aq jekeleı synda da qarsylastaryn utyp, shırek fınalǵa shyqqan bolatyn.
Eske sala keteıik, budan buryn Astana týrnırinde qos qazaqstandyq tennısshiniń shırek fınalǵa joldama alǵanyn jazǵan edik.
