Qazaqstandyq tennısshiler álemdik reıtıngide joǵarylady

Qazaqstandyq tennısshiler jańartylǵan álemdik reıtıngide joǵary kóterildi, dep habarlaıdy Kazinform. 

WTA reıtıngisinde Qazaqstannyń birinshi raketkasy Elena Rybakına 4-ornyn saqtap qalsa, ıÝlııa Pýtıntseva 66-dan 63-ke, Jibek Qulambaeva 469-dan 465-ke shyqty.

Juptyq synda Qazaqstannyń birinshi raketkasy Anna Danılına 56-dan 54-ke, J.Qulambaeva 146-dan 143-ke. Arýjan Saǵyndyqova 918-den 892-ge, Janel Rústemova 1004-ten 997-ge joǵarylady.

Erler arasynda Qazaqstannyń birinshi raketkasy Aleksandr Býblık burynǵysha 32-satyda keledi.

Beıbit Juqaev – 188, Denıs Evseev – 190, Tımofeı Skatov – 222, Mıhaıl Kýkýshkın 264-orynda tursa, Dmıtrıı Popko 455-ten birden 419-ǵa joǵarylady. Sol sekildi Grıgorıı Lomakın (794, +1), Alekseı Nesterov (1555, +4), Tımýr Máýlenov (1996, +22) kórsetkishterin jaqsartty.

Juptyq synda Aleksandr Nedovesov 45-satyǵa jaıǵassa, Aleksandr Býblık 224-ten 223-ke, Denıs Evseev 561-den 559-ǵa, D.Popko 800-den 780-ge kóterildi.

Eske sala keteıik, budan buryn Denıs Evseevtiń Aýstralııada negizgi týrnırge joldama alǵanyn jazǵan bolatynbyz.

Sondaı-aq ıÝlııa Pýtıntseva jyldyń alǵashqy matchynda jeńilip qaldy.