Qazaqstandyq tennısshiler álemdik reıtıngide joǵary kóterildi

ASTANA. KAZINFORM — Áıelder tennısi qaýymdastyǵy (WTA) jańartylǵan reıtıngini jarııa etti.

Qazaqstannyń birinshi raketkasy Elena Rybakına 5-ornyn saqtap qaldy.

Qazaqstandyq tennısshi erteń Aýstralııa ashyq chempıonatyndaǵy alǵashqy kezdesýin álemdik reıtıngide 100-orynda turǵan slovenııalyq Kaııa ıÝvanmen ótkizedi. 

ıÝlııa Pýtıntseva 105-ten 94-satyǵa kóterildi. Aýstralııa birinshiligin sátti bastaǵan ıÝ.Pýtıntseva ekinshi aınalymda álemniń 60-raketkasy, frantsııalyq Elza Jakomomen oınaıdy.

Qazaqstannyń juptyq syndaǵy birinshi raketkasy Anna Danılına burynǵysha 14-orynda tur.

Kásibı tennısshiler qaýymdastyǵynyń (ATP) reıtıngisinde Aleksandr Býblık 10-satyda qaldy. Aleksandr Shevchenko 104-ten 97-ge shyǵyp, Pýtıntseva sııaqty TOP-100-ge qaıta kirdi.

Tımofeı Skatov 183 (+12), Beıbit Juqaev 261 (+4), ótken aptada Glazgo týrnıriniń fınalyna deıin jetken Mıhaıl Kýkýshkın 262 (+31), Denıs Evseev 367-orynǵa (+12) aýysty. 

Taǵy bir qazaqstandyq Zarına Dııas búgin Aýstralııa ashyq chempıonatynyń alǵashqy aınalymynda álemniń 26-raketkasy, ıspanııalyq Paýla Badosamen betpe-bet keldi. Zarına baryn salǵanymen, azýly qarsylasynan óte almady — 2:6, 4:6.

Z.Dııas álemdik reıtıngide 285-ten 290-ǵa tómendegen edi. Degenmen qazirgi sátte WTA Live reıtıngisinde qaıtadan 276-orynǵa shyǵyp tur.

Eske sala keteıik, budan buryn Aleksandr Býblıktiń Aýstralııa ashyq chempıonatyn jeńispen bastaǵanyn jazǵan edik. 

Sondaı-aq Aleksandr Shevchenko Aýstralııa ashyq chempıonatynyń ekinshi aınalymyna shyqty.